Gosta hasai foto?
Hatama ita-boot nia fotografia nebe bele hateten sai ba mundu SAIDA MAK ITA-BOOT HADOMI KONA-BA TIMOR-LESTE no ita-boot bele manan $250-$500!
Ami agradese ba ami nia sponsor ‘TL Cement’ nebe suporta premiu ne’e. Premiu sira mak hanesan tuir mai:
- $500 ba Primeiru-Lugar
- $250 ba Segundu-Lugar
Oinsá atu kompete:
- Haruka ita-boot nia fotografia maximu tolu (3) direitamente ba email: [email protected]
- Kompetisaun ne’e sei taka iha tuku 4 lokraik, iha loron Sesta 31 de Marsu 2017.
- Hakerek ita-boot nia naran kompletu, idade, enderesu email, no númeru teléfone atu nune’e ami bele kontaktu, se karik ita-boot mak sai manan nain.
- Anexa fotografia labele boot liu 5 megabytes no ami prefere iha formatu jpg.
Wainhira hatama ona fotografia sira ba iha ami nia kompetisaun, ne'e siknifika katak ita-boot aseita ona ho ami nia Termu no Kondisaun Sira, inklui permite ami atu uza ita-boot nia fotografia sira ba iha ami nia atividades promosaun nian. Bele haree Termu no Kondisaun Sira iha kraik.
Termu no Kondisaun Sira:
- Kompetisaun ne’e nakloke ba ema hotu-hotu, ba kualker jenéru, idade no nasionalidade.
- La permite funsionárius Embaixada Australia no sira nia família imediata atu tuir kompetisaun ne’e.
- Konkorente sira tenke hatama sira nia fotografia digitál nebe moos, entre 1.5 - 5 megabyte. Ami simu fotografia iha kór hotu-hotu, inklui kór metan, mutin ou sépia.
- Konkorente sira tenke tuir tema ‘Saida Mak Hau Hadomi Kona-ba Timor-Leste’ no ami sei la simu konkorente sira nia fotografia depois de loron 31 Marsu 2017.
- Embaixada sei simu déit fotografia maximu tolu (3) husi kada ema ida ou individuál.
- Konkorente sira tenke hatama fotografia nebe sira rasik hasai, no laós ema seluk nian, no mos labele kopia husi internet, media sosiál ou imajen sira nebe fó sai ona iha públiku.
- Embaixada sei la simu fotografia sira nebe konkorente sira submete antes tiha ona ba kompetisaun ruma ka manan ona kompetisaun fotografia lokál ou internasionál iha pasadu.
- Fotografia sira labele tuan liu fulan neen (6).
- Konkorente nebe manan sei hetan kontaktu via teléfone ou email molok loron 24 Abril 2017.
- Konkorente sira tenke hatan sira nia fotografia ba Embaixada Australia Dili no esponsor atu uza ba iha material promosaun, inklui pajiña Facebook, website, espanduk no publisidade.
- Desizaun painél ba primeiru-lugar sei foti husi Embaixada Australia iha Dili no desizaun painél ba segundu-lugar nain-rua sei foti bazeia ba kompetisaun liu-husi Embaixada Australia nia pajiña Facebook “Australia in Timor-Leste”. Desizaun hotu-hotu husi painél mak finál ona no sei laiha tan revizaun.
- Embaixada Australia sei la simu fotografia sira nebe viola ema nia direitu, no la-limita ba direitu ba kopía no privasidade.
- Embaixada Australia sei la simu fotografia sira nebe la-apropriadu ka konsidera hanesan ofensivu, laiha-moral, kontein sensualidade seksual ka motivasaun politika.
Kritérius kona-ba kompetisaun painél
Konkorente sira nia fotografia sei deside iha painél juri bazeia ba kritérius tuir:
- Fotografia sira nebe relevante ba konteúdu ka tema kompetisaun, inklui sei haree mos fotografia ninia orijinalidade no kreatividade, kualidade no interesantes.
- Kualidade artístika (estruturadu, interesadu, balansu, uzu de kór / tom, espresaun du konseitu/ emosaun / idéias no sst.)
- Rezolusaun fotográfia nebe kualidade, moos ka klaru, no stt. (> 1,5 m, 300 dpi)
- Hetan ‘Likes’ no 'Shares' barak liu iha ami nia pajina Facebook.