Australia no Timor-Leste atu fo deklarasaun kona-ba audensia komisaun konsiliasaun iha semana oin
25 Augusto 2016
Reprezentativu husi Governu Austrália no Timor-Leste sei partisipa audiénsia kona-ba Komisaun Konsiliasaun iha Haia, Olanda iha loron Segunda-feira, 29 fulan-Augusto.
Sesaun abertura ba audiénsia ne’e sei transmite direita liu-husi website Tribunál Permanente Arbitrajen nian. Iha sesaun abertura ne’e, Austrália no Timor-Leste sei aprezenta deklarasaun ida. Austrália nia deklarasaun sei foka kona-ba Austrália nia vizaun ba disputa Tasi Timor nian no oinsá atu bele rezolve. Transmisaun direita publika ne’e hanesan biban diak ida ba ema sira ne’ebé iha vontade atu komprende kona-ba kestaun sira ne’e.
Atu akompaña transmisaun direita kona-ba deklarasaun Austrália no Timor-Leste nian husi Haia, uza link tuir mai husi tuku 4:30 lokraik oras Timor-Leste: https://pca-cpa.org/en/news/timor-leste-australia/. Bele akompana mos Austrália nia deklarasaun nebe sei fó sai husi 6:30 lokraik oras Timor-Leste. Se karik imi la konsege hetan transmisaun direita ne’e, Komisaun mos planeia hodi tau video iha website atu imi bele haree.