Australian Embassy
Timor-Leste

Indústria foun fornese dahuluk Timor-Leste nia masin lokál iodu

Indústria foun fornese dahuluk Timor-Leste nia masin lokál iodu

21 Setembru 2015


Liquica – Indústria ida ne’ebé suporta husi programa Asisténsia Austrália, Indústria NPM halo lansamentu ba fasilidades indústria masin ohin, ne’ebé ba dahuluk loke iha Timor-Leste.

Partispa direitamente husi Embaixadór Austrália ba Timor-Leste, Peter Doyle, Ministru Komersiu, Indústria no Meiu-Ambiente, S.E Constancio Pinto, Ministru Edukasaun, S.E Antonio da Conceicao, Sekretáriu Estadu ba Apoiu no Promosaun Sósiu-Ekonómika ba Feto, S.E Veneranda Lemos Martin, no Prezidente Federasaun Tokodede iha Liquica, S.E Joao Alegria De Jesus, inagurasaun ne’e marka momentu importante ba parseria entre Indústria NPM no Market Development Facility (MDF).

Durante abertura indústria masin ne’e Embaixadór Australia ba Timor-Leste Peter Doyle hateten katak atu moderniza produsaun masin no aumenta iodu sei kria lukru diak. Ne’e sei fó benefisiu ba kolesionadóres masin lokál, indústria lokál no ba saúde konsumidór Timoroan sira nian.

"Austrália hakarak Timor-Leste ne’ebé forte no prospéru, no parseria ho emprezariu sira hanesan NPM mak prinsipál liu atu promove kresimentu ekonómiku no kria servisu" nia dehan.Parseria fornese treinamentu aumezmu tempu servisu nian ba funsionáriu sira atu kontrola indústria, halo introdusaun kona-ba tenolójia masin modernu, no ajuda hasa’e koñesementu kona-ba benéfisiu masin iodu nian. "Ami hola ona masin tonelada metriku liu 600 husi kolesionadóres masin hamutuk 409 no prosesa ba iha pakotes 250 grama, ne’ebé faan ho folin sentavus 10 ba iha merkadu lokál," dehan Subhash Mishra, Diretór Indústria NPM.

"Ami bele kompete ona ho importadores masin nian no fornese masin diak ba Timoroan sira no produtu saudavel ne’ebé ami halo iha ema lokál sira nia rain rasik." "Ami hein atu habelar no kontinua hola masin barak tan husi kolesionadóres lokál no loron ruma bele esporta masin Timor nian ba iha rejiaun nia laran," dehan Subhash Mishra.

MDF iha parseria ativu ho emprezarius 14 iha Timor-Leste no ho objetivu atu fó benéfisiu ba feto no mane kiak nain 4500 resin iha rai laran. Governu Austrália investe miliaun 6.8 dolares Australianu ba MDF iha Timor-Leste ba periode tinan haat resin.

*Hahan ne’ebé kuran iodu bele kauza defisiensia iodu, liu-liu ba feto no labarik-oan sira. Moras ne’e fasil atu prevene maibe afeta ona ba kuaze ema Timoroan pursentu 5 iha Timor-Leste (to’o pursentu 20 ona iha munisipiu balu).