Australian Embassy
Timor-Leste

Austrália apoia peskiza kona-ba sukat pobreza no moris diak iha Timor-Leste

Austrália apoia peskiza kona-ba sukat pobreza no moris diak iha Timor-Leste

Gabinete Prezidente Republika Timor-Leste ohin sai uma nain ba semináriu Profesor Ekonomia Brett Inder husi Austrília ho titlu “Sukat Pobreza no Moris Diak: sira nia papél sai hanesan matadalan ba dezenvolvimentu iha Timor-Leste”.

Sr. Fidelis Magalhaes (‎Chefe da Casa Civil da Presidencia da Republica) komenta kona-ba importansia dadus sira ne’e, ne’ebé sei uza hodi prepara politika governu nian.Governu Austrália suporta Sentru Dezenvolvimentu Ekonomia no Sustentabilidade husi Universidade Monash atu hala’o estudu kona-ba ekonomia Timor-Leste kada tinan no atu aprezenta ninia finalidade ba Timoroan sira.

 Estudu dahuluk hala’o tiha ona iha tinan 2013/14 hodi haree industria kafe no agora iha peskiza ba daruak ne’ebé halo iha tinan 2014/15 sei foku liu ba pobreza no mos moris diak.Peskiza ne’e foku ba oinsa atu hatene asesu sira ba bee moos no saneamentu, nivél edukasaun, númeru mortalidade labarik no asesu ba eletrisidade sai hanesan indikadores ba pobreza.

Wainhira uza indikador sira ne’e, Professor Inder bele halo komparasaun ba kada distritu nia asesu ba atendementu publiku no mos nivel pobreza ninian. Iha tinan oin, ekipa Monash sei haree dadus kampu de servisu atual no sira sei halo analiza ba relasaun entre ai-han ne’ebé ema kuda no sira nia rezultadu nutrisaun.

Austrália orgulu atu finansia peskiza importante ida ne’e. Dadus husi relatóriu ida ne’e bele ajuda Governu Timor-Leste no sosiedade sivíl ba sira nia esforsu atu hadia ema nia moris.
 

 


Fidelis Magalhaes (liman-karuk)
Dr Katy Cornwell, peskizador husi Monash University (klaran).
Professor Brett Inder, husi Monash University.
 


Dr Rui Gomes, Asesor Ekonomia ba Gabinete Presidente RDTL (Karuk) e Professor Brett Inder, Monash University.