Embaixadór Austrália ba Timor-Leste atende inagurasaun Otél Balibo Fort no Sentru Kultura no Patrimóniu

Embaixadór Austrália ba Timor-Leste atende inagurasaun Otél Balibo Fort no Sentru Kultura no Patrimóniu

20 Marsu 2015

Embaixadór Austrália ba Timor-Leste, Peter Doyle, hato’o diskursu iha inagurasaun ba Otél Balibo Fort no Sentru Kultura no Patrimóniu. Sr. Doyle hamutuk ho membru seniór sira husi Governu Timor-Leste, eis Premier Australia nian ba Victoria Hon Steve Bracks, eskuadra Balibo House Trust no distintus lokál inagura fatin foun importante ba tourista.

Inagurasaun ba Otél Balibo Fort no Sentru Kultura no Patrimóniu ne’e nu’udar okaziaun istóriku no trajiku ida ba iha relasaun Austrália – Timor-Leste nian” Embaixadór Doyle dehan. “Iha fatin ne’e “Balibo Five”, jornalista foin-sae na’in lima husi Austrália, Nova Zelandia, Reinu Unidu lakon sira nia vida iha ne’e iha loron 16 Outubru tinan 1975. Otél Balibo Fort no Sentru Kultura no Patrimóniu sei hamriik hanesan memoriál ida ba Greg Shackleton, Gary Cunningham, Malcolm Rennie, Brian Peters no Tony Stewart. Otél no Sentru Kultura no Patrimóniu ne’e sei fó oportunidade ba vizitante sira atu kompriende istória ne’e no atu aprende liu-tan kona-ba istória Timor.

Austrália sente orgullu hodi suporta Otél Balibo Fort liu-husi parseria uniku entre Fasilidade Dezenvolvimentu Merkadoria Governu Austrália nian, Balibo House Trust no setór privadu.
Inisiativa importante ne’e sei bele estimula kresimentu husi atividades setór privadu ne’ebé relevante ba turismu no servisu iha aréa Balibo, partikularmente liu-husi viajen lokál, atividades no ospitalidade. Turismu nu’udar setór ida ne’ebé Timor-Leste identifika tiha ona hanesan importante tebes atu diversifika ekonomia.

“Hodi Governu Australia nia naran, ha’u hakarak fó parabens ba povu Balibo, ami nia parseiru sira hotu ba inisiativa ida ne’e no Governu Timor-Leste” Embaixadór dehan. Ita hein katak, Australianu barak no povu husi nasaun sira seluk sei vizita Balibo no fatin sira seluk iha Timor-Leste hodi goza ksolok ne’ebé nasaun joven ida ne’e oferese.”