Vice-Xefi Misaun Diplomátiku fó diskursu ba Rotary nia workshop kona-ba lideransa juventudi Timor-oan

8 Setembru 2014

Iha dia 6 de Setembru, Sr. Toby Lendon nu’udar Vice-Xefi Misaun Embaixada Austrália nian iha Timor-Leste, fó diskursu ba grupu lideransa juventudi Timor-oan nain ualu nulu resin rua (82) iha Rotary nia workshop Lideransa Joventudi (RYLA) ne’ebé halao tinan-tinan iha Dare, Timor-Leste.

Sr. Lendon fahe nia observasaun balun kona-ba lideransa no mos foka ba relasoens ne’ebé diak entre Austrália no Timor-Leste. Nia mos fó korajen ba lideransa joventudi sira atu mantein ligasaun besik malu ho Austrália, liu-husi aplikasaun ida ba Australia Award – hanesan bolsu estudu husi Governu Austrália atu estuda iha institusoens tersiáriu iha Austrália.


Sr. Toby Lendon fó diskursu ba grupu lideransa juventudi Timor-oan nain ualu nulu resin rua (82) iha Rotary nia workshop Lideransa Joventudi (RYLA) ne’ebé halao tinan-tinan iha Dare. Foto sira: Embaixada Australia iha Dili

RYLA ne’e programa lideransa nian ne’ebé jere husi Rotary club ‘District 9685’ no hetan suporta finanseiru husi Greater Sunrise Joint Venture Partnership. Programa RYLA ne’e halibur partisipante sira ne’ebé tuir selesaun, ho idade tinan 18-26 husi Timor-Laste tomak, ho workshop no aktividade ne’ebé anima sira durante semana ida nia laran. Workshop ne’e fó formasaun ba partisipante sira hanesan lideransa, manejementu/Jestaun, étika, oinsa atu resolve konflitu, no jestaun ba rekursu humanu.

Hanesan rezultadu husi workshop ne’e, partisipante sira hetan korajen atu hahu programa servisu ba komunidade iha sira-nia aldeia rasik iha Timor-Leste tomak. Rotary mak halo jestaun ba workshop ne’e hahu tinan 2010.