Gosta hasai foto?

Kompetisaun Fotografia Embaixada Austrália nian taka ona. Obrigadu barak ba fotógrafu nain 90 resin ne’ebé hatama ona sira nia foto. Prosesu selesaun sei hahu iha tempu badak nia laran no ami sei kontaktu manan-nain sira iha semana hirak tuir mai.

Fotografia ne’ebé bele hateten sai ba mundu:

SAIDA MAK ITA-BOOT HADOMI KONA-BA TIMOR-LESTE
(purezemplu; tasi ibun ka foho furak, ema ka sasan ne’ebé interesante!)

... Ita-boot bele manan kamera digital furak ida entre kamera sanulu ne’ebé iha!

Oinsá hola parte:

Haruka ita-boot nia fotografia maximu 3 liu-husi email ba enderesu: [email protected]
Haruka molok tuku 4 lokraik iha loron Sesta, 24 Outubru 2014.
Presiza hakerek ita-boot nia naran kompletu, idade, hela fatin no númeru
telefóne atu nune’e ami bele kontaktu, se karik ita-boot mak sai manan nain.
Anexa fotografia ba email labele bo’ot liu 3 megabyte no ami prefere formatu iha .jpeg

Termu no Kondisaun sira:

- Kompetisaun ne’e maka loke ba fotografia ho idade hotu, genere no nationalidade.
- Staff Embaixada Austrália no sira nia membru uma kain la bele halo parte iha kompetisaun ne’e.
- Partisipante sira tenke hatama fotografia digital mak klaru no la to’o tolu (3) megabyte. Manajementu kompetisaun ne’e karik ba futuru bele husu File boot liu.
- Ami la simu foto depois tuku 4 lokraik, loron sesta 24 fulan-Outobru 2014.
- Embaixada la simu foto liu tolu (3) husi pessoal ida.
- Ita boot tenke hatama ita boot nia foto rasik, foto tenke orijinal no la bele uza ema seluk nia servisu.
- Embaixada la simu foto ne’ebé ita boot hatama ona iha kompetisaun seluk ka menan ona kompetisaun iha Timor-leste no rai seluk.
- Foto la bele iha prazu liu ba tinan ida.
- Embaixada sei kontaktu ema ne’ebé menan premiu deit ho telefoni ka email.
- Partisipante sira fó licensa ba Embaixada Austrália iha Dili hodi hamosu fali foto iha aktividade promosaun hanesan Embaixada nia pajina Facebook, website, spandook no publikasaun.
- Embaixada Australia sei halo julgamentu kona-ba foto saida menan premiu. Dezisaun Embaixada nian finalmente no la bele revista dezisaun.
- Embaixada Australia sei la simu fotografia ne’ebe ladun los, aat, ka sexual.