Estudante Sira husi Geelong Harii Ligasaun ho Timor-Leste
27 Juñu 2014
Embaixada Australia iha Dili foin lalais sauda ho laran-luak estudante no estaf sira ne’ebé mai vizita Timor-Leste husi Eskola Sekondaria Kristaun Geelong Australia, ne’ebe durante ne’e hala’o parseria kleur tiha ona ho komunidade sira iha parte kosta-sul distritu Viqueque.
Eskola ne’e iha produsaun susu-been husi karau-hakiak iha rai Bellarine forade Geelong, no hahu halo sira parseria hafoin hala’o pilotu ba projetu industria susu-been husi karau-hakiak iha Viqueque, iha tinan 2005 no 2006.
Parseria ne’e konsege hamosu programa vizita tinan-tinan ne’ebe halai liu ba iha edukasaun.Parseria ne’e halo ona konstrusaun foun ba eskola infantil ida iha aldeia Rata-Hau no mos ensinu baziku ida iha suco Kraras. Programa iha eskola ne’e fo apoiu servisu ba estaf Timoroan nain lima iha Viqueque inklui profesores infantil nain tolu, kordenador ida no treinador ba komputado nain ida. Eskola Kristaun Geelong mos suporta tiha ona timoroan atu ba iha Australia hodi tuir treinamentu kona-ba mediku no formasaun profesores nian.
Manager Business ba Eskola Kristaun Geelong, Sr. Chris Maddock, dehan katak ekipa ho estudante nain 18 ne’e sei foku liu ba halibur osan hodi uza ba konstrusaun haris fatin foun iha eskola iha Rata Hau.
“Ita harii ona ‘Uma Amizade’ iha Viqueque ne’ebé hanesan mos sentru komunidade no hela fatin ba ekipa vizitante husi Eskola Kristaun Geelong,” nia dehan.
 |
| Estudantes husi Eskola Kristaun Geelong no journalista Timoroan sira iha Embaixada Australia nia oin iha Dili. Foto: Embaixada Australia iha Dili |