TINAN SANULU RESIN NEEN DESDE KOLOKASAUN INTERFET

TINAN SANULU RESIN NEEN DESDE KOLOKASAUN INTERFET

21 September 2015

Horisehik, loron 20 Setembru, marka aniversáriu tinan 16 desde Forsa Internasionál ba Timor-Leste (INTERFET) ne’ebé lidera husi Austrália koloka mai iha Dili atu restaura pás no seguransa.

Embaixadór Austrália ba Timor-Leste, Sr Peter Doyle, rekoñese aniversáriu ne’e no fó onra ba korajen no profesionalizmu husi tropas Australia no koalizaun ne’ebé servisu lalais liu hodi tulun nasaun founTimor-Leste no prevene atu labele iha lakon vida tan.“Servisu INTERFET no ninia misaun susesór sira esensiál tebes ba estabelesimentu kondisaun seguransa ne’ebé presiza ba hari’i nasaun” Embaixadór Doyle dehan.“Austrália apresia tebes relasaun amizade besik ne’ebé iha momentu neba ita nia nasaun rua hala’o ona no sai diak liutan durante iha tempu susar nia laran.

Austrália iha kompromisu atu servisu hamutuk ho Timor-Leste atu asegura pas no prosperiedade ba Timoroan sira iha tinan hirak tuir mai.”Kolokasaun INTERFET ne’e ba dala uluk Austrália mak organiza no lidera operasaun manutensaun pás multinasionál. Nasaun rua-nolu resin-rua kontribui sira nia forsa ba INTERFET, ho tropas sorin-balu mai husi Forsa Defeza Austrália.

Iha momentu neba, kuaze tropas nain 5,700 husi Austrália, hamutuk ho ró no aviaun sira husi Naval Royal Austrália no Forsa Aero Royal Austrália mak kolokadu mai Timor-Leste hanesan parte husi misaun INTERFET.Pesoál sira husi Forsa Defeza Austrália nian sei marka prezensa iha Timor-Leste to’o ohin loron atu fó apoiu konseilu ba sira nia parseiru F-DFTL hanesan parte husi Austrália nia Programa Kooperasaun Defeza nian.