F-FDTL PARTISIPA IHA KOMPETISAUN ABILIDADE TIRU IHA EZÉRSITU AUSTRALIA

F-FDTL PARTISIPA IHA KOMPETISAUN ABILIDADE TIRU IHA EZÉRSITU AUSTRALIA

Kontinjente ida kompostu pesoal 11 hosi FALINTIL-Força de Defesa de Timor-Leste (F-FDTL) partisipa ona iha Kompetisaun Abilidade Tiru iha Ezérsitu Australia iha Base Militar Puckapunyal, Victoria hosi 5 Maiu até 26 Maiu 2015.

Simeira Tiru iha Ezérsitu Australia hanesan eventu boot ida iha mundu konaba kompetisaun tiru militar kada tinan. Partisipante sira iha eventu ne’e inklui pesoal militar Australia, Brunei, Kanadá, Fransa, Japaun, Malázia, Nova Zelandia, Papua Nova Giné, Filipinas, Singapura, Timor-Leste, Tonga, Estadus Unidus Amérika (Ezersitu no Marinha EUA), no United Kingdom.

Kontinjente F-FDTL halo ona treinamentu preparasaun durante semana sia iha Base Militar Metinaro molok kompetisaun. Soldadu sira kompleta prátika tiru alvu hosi 100 metru to’o 450 metrus, hosi pozisaun tiru diferente, hanesan alvu movimento no fixu. Simeira Tiru iha Ezérsitu Australia ba tinan 2015 nu’udar kompetisaun kompetitivu ne’ebe fó oportunidade ba individuu sira atu reprezenta Timor-Leste iha nivel internasionál. Jeralmente, ekipa kompete no hetan rezultadu individuu diak balu.

Partisipasaun F-FDTL ne’ebe atraves oportunidade oferese hosi Programa Kooperasaun Defesa Australia ba membru kontinjente F-FDTL, hodi habelar no dezenvolve sira nia abilidade no konhesimentu, iha ambiente militar multikulturál ida. Eventu ida ne’e realiza hodi hatudu kontinuasaun kometimentu Australia nian atu suporta objetivu F-FDTL hodi hametin ninia kapabisidade hanesan força defesa nasionál modernu ida. Liutan, ida ne’e demonstra kooperasaun entre Força Defesa Australia no Nova Zelandia hodi kontribui ba dezenvolvimentu kapasidade defesa F-FDTL.