Treinamentu movel asegura funsionarius PNDS atu hetan kapasidade hodi ajuda sira nia komunidade

Treinamentu movel asegura funsionarius PNDS atu hetan kapasidade hodi ajuda sira nia komunidade

Programa Nasionál Dezenvolvimentu Suku (PNDS) lansa ona programa Treinamentu movel, hodi asegura katak funsionariu sira iha distritu hetan kapasidade atu suporta sira nia komunidade rasik.

Programa Asisténsia Austrália supporta ona PNDS desde tinan 2011 no fó orsamentu hamutuk miliaun rua-nulu resin-lima dolares Australianu ($25 million) ba periodu tinan (2011-2015). Fundus ne’e utiliza ba treinamentu, konsellu tekniku no apoiu no monitorizasaun no evaluasaun.

Peritus treinamentu konstrusaun sei halo viajen ba distritu rurais iha Timor-Leste hodi hanorin funsionarius PNDS kona-ba konstrusaun tekniku no mos atu hare didiak projetu sira nia kualidade. Fasilitadores tekniku Sub-distritu sira sei foku liu ba Treinamentu movel iha primeira faze, ne’ebé organiza husi Governu Timor-Leste, no servisu hamutuk ho asesor sira husi Programa Asisténsia Austrália.

Fasilitadores tekniku sub-distritu ajuda komunidade sira atu deside infrastrutura saida mak sira presiza. Sira ajuda komunidade sira harii projetu rasik (se la uza kontraktor sira) , inklui halo propostas, dezenus, orsamentus no aprovizionamentu.

PNDS, ne’e inisiativu ida husi Governu Timor-Leste, fornese komunidade sira ho rekursu ne’ebe sira presiza (fundos, treinamento no apoio) atu sira bele hili, dezenu no hari’i projetu infrastrutura ki’ik iha sira nia suco. Segundu objetivu ne’e atu bele aumenta trabalhadores Timor-Leste sira nia kapasidade, asegura komunidade sira bele jere rasik sira nia projetu infrastrutura iha futuru.

Programa Asisténsia Austrália servisu hamutuk ho Governu Timor-Leste atu organiza no finansia programa treinamentu movel. Treinamentu ne’e sei asegura funsionariu PNDS sira para bele hetan konfiansa hodi sai matadalan ba komunidade sira atu halo projetu konstrusaun infrastrutura kiik no mos bele kontinua amenta sira nia kapasidade no konesimentu.

Tranadores movel servisu ho fasilitadores tekniku PNDS atu haree didiak tornera be nia iha Pante Makassar, Oecusse.