Kompetisaun fotografia Facebook Embaixada nian akapta Timor-Leste nia furak

26 Novembru 2014

Imajen sira kona-ba ema, kultura, balada no paizajen furak Timor-Leste nian mak dominante liu hodi manan kompetisaun fotografia Embaixada Austrália nian, no mos ajuda ba iha lansamentu pajina Facebook foun embaixada nian ‘Australia in Timor-Leste’.

Imajen hirak ne’e mai husi finalista fotografer na’in sanulu resin nen (16) ne’ebe simu rekonesimentu iha seremonia simples ida iha Hotel Novo Turismo, Dili, iha loron 25 Novembru 2014. Premiu no sertifikadu sira direitamente entrega husi Embaixador Australia ba Timor-Leste, Peter Doyle.

Premiu ba primeiru lugar entrega ba Florence I. Pattipeilohy kona-ba ninia fotografia furak ne’ebe hatudu labarik feto nain rua hatais ropa tradisional ho hamnasa oin-midar.

Sr. Doyle dehan katak embaixada simu fotografia ho imajen kualidade oi-oin husi fotografer liu nain sia-nulu (90) husi Timor-Leste, Austrália, Portugal no nasaun sira seluk.

“Hau haksolok tebes atu hatudu fotografia sira ne’e iha pajina Facebook Embaixada Austrália nian, ne’ebé daudaun lao diak teb-tebes ho kuaze ema liu rihun ida (1,000) mak gosta tiha ona ami nia pajina,” dehan Sr. Doyle.

“Ida ne’e refleta tebes ami nia foku ba ligasaun diak ho komunidade Timor-Leste direitamente no liu-husi media sosiál, ne’ebé ohin loron sai hanesan meius komunikasaun diak tebes ba foin-sae Timor-oan sira.”

Segundu Lugar:
Gil Barros de Jesus, Noressi Caminha, Hugh Rutherford, and Mariano Palmira Goncalves.

Terseiru Lugar:
Zelmy Silva, Isidoro Correia, Lelia Monteiro, Ze Calistro Soares Belo and Hernanio Guterres.

Kaurtu Lugar:
Ricardo Calado Spencer, Alito Rosa, Ann Turner, Daniel Ferreira Antunes, Jorgino dos Santos and Clementino Pinto Amaral.

Imajen sira husi finalista nain 16 bele haree iha : facebook.com/AustralianEmbassyTimorLeste.

Embaixador Australia ba Timor-Leste, Peter Doyle, hato'o parabens ba Florence I. Pattipeilohy nu'udar premeiru lugar ba kompetisaun fotografia pajina Facebook Embaixada Australia nian, iha Dili, 24 Novembru 2014. Foto husi: Luke James

Embaixador Australia ba Timor-Leste, Peter Doyle, hasai foto hamutuk ho finalista kompetisaun fotografia pajina Facebook Embaixada Australia nian, iha Dili, 24 Novembru 2014. Foto husi: Luke James