Asosiasaun Eskuteiru Timor-Leste inagura Sentru Atividades foun ne’ebé hetan apoiu husi Austrália

26 Setembru 2014

Embaixadór Austrália ba Timor-Leste, Senhor Peter Doyle, ohin atende serimónia inagurasaun Sentru Atividades Uniaun Nasional Eskuteirus Timor-Leste nian iha Metinaro.

Embaixada Austrália fornese valor orsamentu hamutuk $10,000 dolares Amérikanu ba konstrusaun fasilidades sentru refere ho orsamentu mai husi ninia Direct Aid Program (DAP). Sentru ne’e mos hetan apoiu husi governu Australian Capital Territory (ACT) no komunidade lokal husi ACT ne’ebé tau hamutuk osan durante selebrasaun sentenáriu Aniversariu kapital Canberra nian iha 2013, no Eskuteiru husi Austrália.

Prezidente Parlamentu Nasional, Sr. Vicente Guterres, hato'o diskursu no Sra. Filomena Barros dos Rais husi Uniaun Nasional Eskuteirus Timor-Leste (UNE-TL) (liman loos). Foto: Embaixada Australia iha Dili

Prezidente Parlamentu Nasional, Sr. Vicente Guterres, koa fita hodi loke sentru ne'ebe suporta husi Embaixada Australia, Escuteiros Australia no governu ACT. Foto: Embaixada Australia iha Dili

Ministru husi governu ACT, Sr Mick Gentleman MLA, asina plaka hodi marka inagurasaun sentru ne'e. Foto: Embaixada Australia iha Dili

Ministru husi governu ACT, Sr Mick Gentleman MLA, hato'o diskursu iha seremonia iha Metinaro. Foto: Embaixada Australia iha Dili

Tinan-tinan sentru ne’e sei halibur foin-sae Timor-oan barak ne’ebé involve aan iha Eskuteiru atu aprende koniesimentu pratika kona-ba lideransa no sidadania.

Serimonia ne’e partisipa direitamente husi Sekretariu-Estadu ba Promosaun Iqualdade, no Prezidente Asosiasaun Eskuteiru Timor-Leste, Sra. Idelta Rodrigues, Ministru Governu ACT, Sr. Reg Williams, no reprezentantes husi Asosiasaun Eskuteiru Austrália no Timor-Leste.

“Embaixada Austrália kongratula Uniaun Nasional Eskuteiru ba konstrusaun sira nia sentru nasional foun,” Sr. Doyle dehan.

“Ami sente orgullu atu suporta movimentu ne’ebé enkoraja foin-sae sira atu dezenvolve sira nia konesementu lideransa no sidadania nian nune’e sira bele moris ativu no saudavel liutan hodi kontenti nafatin ba sira nia futuru oin mai.”

Membru ekipa Eskuteirus sauda bainaka sira mai partisipa seremonia iha Metinaro. Foto: Embaixada Australia iha Dili	Embaixadador Australia ba Timor-Leste, Peter Doyle, dada-lia ho Prezidente Parlamentu Nasional, Sr. Vicente Guterres iha seremonia inagurasaun. Foto: Embaixada Australia iha Dili
Sra. Idelta Rodigues, Sekretaria Estadu ba Promosaun Igualdade hato'o benvindu ba Ministru husi governu ACT, Sr Mick Gentleman MLA. Foto: Embaixada Australia iha Dili	Membru ekipa Eskuteirus hato'o benvindu ba Embaixador Australia ba Timor-Leste, Peter Doyle. Foto: Embaixada Australia iha Dili