Australian Embassy
Timor-Leste

Austrália suporta Ministériu Saúde lansa program Liga Inan iha Munisipiu Aileu

Austrália suporta Ministériu Saúde lansa program Liga Inan iha Munisipiu Aileu

13 Marsu 2015

Iha loron Sesta-Feira 13 de Marsu, Ministériu Saúde, ne’ebé parseria ho Health Alliance International no Catalpa International, lansa programa susesu ‘Liga Inan’ iha Munisipiu Aileu. Programa ne’e hetan apoiu husi Programa Asisténsia Governu Australia.
Lansamentu ne’e partisipa direitamente husi S.E Ministru Estadu, Koordenadór Asuntu Sosiál no Ministru Edukasaun Senhor Fernando La-Sama de Araújo no S.E Vise Ministra Saúde Dra. Ana Isabel Soares.
Liga Inan uza telemovel simples hodi liga inan isin-rua sira ho sira nia parteira lokál.
Inan isin-rua sira hetan kontaktu dala rua kada semana ida, liu-husi SMS, ho informasaun saude, hanesan oinsa atu konsume ai-han nutrisaun, uza muskateiru, no deskansa ho diak. Inan isin-rua mos bele kontaktu sira nia parteira hodi husu perquntas, duke lao kuaze ho distansia dook ba to’o iha klinika. Parteira sira sei simu alerta wainhira inan isin-rua ida besik hahoris atu nune’e sira bele kontaktu direita no husu tuir hodi nune’e inan isin-rua refere ho ninia familia bele prepara.

Liu husi Liga Inan, rezultadus saúde ba inan ho bebé aumenta ho signifikante iha Munisipiu Liquiça no Manufahi. Hanesan ezemplu iha Munisipiu Manufahi, númeru partu ne’ebe realiza iha fasilidade saúde aumenta ba pursentu 70.

Rezultadu positivus husi Liquiça no Manufahi sujere katak Liga Inan sei aumenta nia rezultadu saúde ho signifikante ba inan ho bebé sira iha iha Munisipiu Aileu.

Aileu sai hanesan terseiru Munisipiu ba implementasaun programa Liga Inan. Governu Austrália apoiu hela Ministériu Saúde hodi habelar liu-tan program Liga Inan iha Munisipiu 13, hanesan parte husi ami nia programa saúde konjuntu hodi aumenta rezultadus saúde ba inan ho labarik timoroan sira. Governu Austrália fo apoiu ona orsamentu hamutuk AUD 860,000 (rihun atus-walu nen-nulu dolares Australianu)) ba implementasaun programa ida ne’e iha Liquiça no Aileu iha tinan 2014 – 2015.

 

Funsiónariu Embaixada Austrália koalia kona-ba programa Liga Inan ho S.E Ministru Estadu, Koordenadór Asuntu Sosiál no Ministru Edukasaun Senhor Fernando La-Sama de Araújo

Funsionáriu Embaixada Austrália partisipa lansamentun programa Liga Inan iha Aileu hamutuk S.E Ministru Estadu, Koordenadór Asuntu Sosiál no Ministru Edukasaun Sr. Fernando La-Sama de Araújo no S.E Vise Ministra Saúde Dra. Ana Isabel Soares.